Bake eta elkarbizitza
PSE-EEk ez du EAJren 'bitartekaritza lanik' antzeman Bake Lantaldean
Erredakzioa
Mendiak esan du bere horretan jarraitzen duela eta ez dutela lantalde horretan parte hartuko; izan ere, EH Bilduk “ez du zoru etikoaren oinarriaren gaineko adierazpen publikorik egin”, gaineratu du.
Your browser doesn’t support HTML5 video
Idoia Mendia PSE-EEko idazkari nagusiak esan du ez duela EAJren “inolako bitartekaritza lanik” antzeman Bake eta Elkarbizitza Lantaldea berriz martxan jartzeko, eta bere alderdiak “bere horretan” jarraitzen du, eta ez du bat egingo Lantaldearekin, gaineratu du.
Bilbon egindako prentsaurreko batean izan du hizpide Mendiak EAJk berpiztu nahi duen Bake eta Elkarbizitza Lantaldea.
PSE-EEren ustez, EAJren egitekoa ez da “bitartekari” batena eta ez du horren moduko lanik egin duenik ikusi. PSE-EEk bere jarrerari eutsiko dio eta ez du Lantaldean parte hartuko; izan ere, EH Bilduk “ez du zoru etikoaren oinarriaren gaineko adierazpen publikorik egin”.
Bestalde, PSE-EEk eta EAJk orain urte eta erdi egindako ituna (sozialistek hainbatetan salatu dute jeltzaleek ez dutela bete) ere izan du hizpide Mendiak. PSE-EEko idazkari nagusiaren arabera, “erabilgarria” izan da eta hala izaten “jarrai lezake”.
Mendiak, baina, penagarritzat jo du “galdutako denbora”, eta, horren iritzian, azken asteetan Jaurlaritzak izandako jarrera aldaketak ikusita, badirudi “atzeratzeko eta bete ez zutena bideratzeko asmoa” duela.