Frankismoa
Artxibatu egin dute ministro frankistak atxilotzeko eskaera
Erredakzioa
Diktadurako krimenen kontra Servini epaile argentinarrak jarritako kereilaren aldeko elkarteak 20 pertsonaren atxiloketa eskatu zuen, Frankismoko ministro ohiena tarteko.
Martin Villa eta Utrera Molina. Argazkia: Efe
Eloy Velasco Auzitegi Nazionaleko epaileak artxibatu egin du frankismoko biktimen elkarte batek Argentinako Maria Servini epaileak diktadurako krimenengatik jarritako kereilan auzipetu zituen 20 lagunak atxilotzeko eskera. Horien artean leudeke Rodolfo Martin Villa eta Jose Utrera Molina ministro ohiak.
Martin Villaren kasuan, Maria Servini epaileak ardurak leporatzen dizkio Gasteizen 1976an Poliziak hil zituen bost langileen kasuan, Harreman Sindikaletako ministro baitzen orduan.
Frankismoko Krimenen kontra Argentinak jarritako Kereilaren Aldeko Koordinatzaileak egin dio eskaera Auzitegi Nazionalari, baina Velasco epaileak ebatzi du ez duela zilegitasunik horretarako, eskaera hori Argentinako Gobernuak egin behar diolako Espainiakoari, estradizio prozesu baten bitartez.