'Herriko tabernen' auzia
107 'herriko taberna' enkantean jarriko ditu Estatuak
Agentziak | Erredakzioa
Mozkinak Altxor Publikoarentzat izango dira, baina prozesua luzea izango da.
Your browser doesn’t support HTML5 video
Espainiako Estatuak ezker abertzalearen 107 herriko taberna itxi eta enkantean jarriko ditu, Auzitegi Gorenaren epaiari jarraiki. Gorenak lokalak konfiskatzeko agindu du, horien bidez ETA "finantzatzen" zutela argudiatuta.
Justizia Ministerioaren iturriak aipatuta EFE agentziak azaldu duenez, enkantearen mozkinak Altxor Publikoarentzat izango dira. Hori bai, prozesua luzea izango da.
Epaia Auzitegi Nazionalaren Zigor arloko Bigarren Salak gauzatu beharko du, horrek epaitu baitzuen auzia.
Izapideak bizkortzeko, Espainiako Gobernuak Aktiboak Berreskuratzeko eta Kudeatzeko Bulegoa sortuko du. Prozedura Kriminaleko Legea erreformatuz egingo du.