ETA-ren aurkako operazioa
EH Bildu: 'Rajoyk borondatea balu, armak suntsituta egongo lirateke'
AGENTZIAK | ERREDAKZIOA
Pello Urizarrek nabarmendu duenez, ETAren aurkako operazioa Rajoyk bake-prozesuan "aurrera egin nahi ez duelako da albiste".
Your browser doesn’t support HTML5 video
Pello Urizar EAko idazkari nagusi eta EH Bilduko legebiltzarkidearen arabera, Ipar Euskal Herrian ETAren aurka egindako operazioa Mariano Rajoyren Espainiako Gobernuak bake-prozesuan "aurrera egin nahi ez duelako da albiste". Izan ere, "borondatea izan balu, armak suntsituta egongo lirateke".
Radio Euskadin egindako elkarrizketan, 2015ean oraindik ere atxiloketak hizpide hartu behar izatea deitoratu du Urizarrek.
"Hori albiste da aurrera egiteko borondaterik egon ez delako; bien bitartean, Rajoyk esan du Kolonbiako bake-prozesuak aurrera egitea espero duela", adierazi du.
Urizarren ustez, baliteke "denek" izatea "erantzukizuna" egungo egoeran, baina Rajoyren jarrera ez dela "lagungarri" adierazi du, Moncloara iritsi zenean bide horretan pausorik ez duela emango esan zuelako.
.