Lapurreta
Agiri sekretuak ostu dituzte Felipe Gonzalezen bulegoan
AGENTZIAK | ERREDAKZIOA
Lapurretaren egilea edo egileak indarrez sartu dira bulegoan.
Felipe Gonzalez Espainiako Gobernuko presidente ohia. EFE
Agiri sekretuak lapurtu zituzten atzo Felipe Gonzalez Espainiako Gobernuko presidente ohiak Madrilen duen abokatu-langelan.
Poliziaren iturriak aipatuta EFE agentziak azaldu duenez, lapurreta atzo arratsaldean jazo zen.
Komisarian jarritako salaketaren arabera, lapurretaren egilea edo egileak indarrez sartu ziren bulegoan, 15:00ak eta 19:00ak artean.
Antza denez, hainbat agiri sekretu eta 300 euro ostu zituzten.
Eraikin horretan ez dago segurtasun iraunkorrik.
El Pais egunkariak jakinarazi duenez, Gonzalez eta horren lankideak bulegoa miatzen ari dira oraindik, zerbait gehiago falta ote den egiaztatzeko.