XV. Asanblada Nazionala
Etxeratek salatu du senideak daudela sakabanaketaren 'jomugan'
agentziak | erredakzioa
Hala, "sakabanaketaren ondorioak zuzenean pairatzen dituztenak" direla azpimarratu du.
Etxeraten XV. Asanblada Nazionala, Gasteizen. Argazkia: Efe
Etxerat euskal presoen senideen elkarteak adierazi du "salbuespeneko kartzela-politikaren jomugan" jarraitzen dutela, horiek direlako "sakabanaketaren ondorioak zuzenean pairatzen dituztenak".
Etxeratek XV. Asanblada Nazionala egin du gaur Gasteizen, "Ametsetatik ekintzetara" lelopean.
Prentsaren aurrean irakurritako agiri batean azaldu duenez, presoen senideen eta gertukoen egoera duela hamabost urteko "berbera" da, elkartea sortu zeneko berbera, alegia.
"Salbuespeneko kartzela-politika baten biktima izaten jarraitzen dugu, eta ondorio fisiko, psikiko eta ekonomikoak areagotu egiten dira denborak aurrera egin ahala", gaineratu du.
Etxeraten ordezkariak azpimarratu du egungo kartzela-politika defendatzen dutenen jarrerak ez duela errazten sakabanaketaren amaiera.
etaren amaiera.