64 herri, alde
Ipar Euskal Herriko elkargo bakarra, gertuago
Euskadi Irratia | eitb.eus
Baiezkoa eman duten herriek biztanleriaren erdia ordezkatzen dute dagoeneko, baina beste 15 herriren babesa behar da orain Frantziako Gobernuak jarritako bigarren baldintza betetzeko.
Baionako Udalbatzaren bozketa. Artxiboko irudia: EiTB
Ipar Euskal Herrian gertuago dago Herri Elkargo bakarraren sorrera, Euskadi Irratiak azaldu duenez. Frantziako Gobernuak jarritako bi baldintzetako bat bete dute, baiezkoa eman duten herriek biztanleriaren erdia ordezkatzea.
Behe Nafarroako Aiziritze herriaren aldeko botoekin lortu da 149.300eko langa gainditzea.
Bete beharreko bi baldintzetako bat da hori; bestea 158 herrien erdien baiezkoa lortzea. Orain artean, bozkatu duten 82 herrietatik 64k egin dute elkargoaren alde.
Beste 15 herriren babesa behar da bigarren baldintza ere betetzeko. Datorren urteko urtarrilaren 1ean jarriko litzateke martxan Ipar Euskal Herriko elkargo bakarra.