GALDEKETA
IUko oinarriek ontzat eman dute Podemosekin akordioa egitea
AGENTZIAK | ERREDAKZIOA
Ekainaren 26ko Hauteskunde Orokorretarako Pablo Iglesiasek zuzentzen duen alderdiarekin akordioa lortzearen alde agertu dira IUren galdeketan parte hartu dutenen % 84,5.
Pablo Iglesias eta Alberto Gazon, Kongresuan. EFE.
Izquierda Unida alderdiak bere oinarriei galdetu die Hauteskunde Orokorretara Podemosekin batera joan nahi duten ala ez. Galdeketaren emaitza Twitter bidez jakinarazi du IUk: parte-hartzaileen % 84,5 alderdi morearekin akordioa erdiestearen alde agertu dira.
Resultado #ConsultaIU:
— Izquierda Unida (@iunida) 5 de mayo de 2016
Votos emitidos: 20.067
Sí: 84,5% (16.953)
No: 13,1% (2.623)
Abs: 2,4% (491)
20.067 lagunek hartu dute parte IUren kontsultan: 16.953 boto-emaile (% 84,5) hauteskundeetara Podemosekin batera aurkeztearen alde agertu dira, 2.623 (% 13,1), kontra, eta 491 (% 2,4), berriz, abstenitu egin dira.
Honako galderari erantzun diote galdeketan parte hartu dutenek: "Ontzat ematen al duzu Podemosekin edota beste alderdi batzuekin ekainaren 26rako hauteskundeetara koalizioan joatea?".
Gehiengo zabalaren babesa lortuta, Alberto Garzon IUko buruak Podemosekin negoziatzen hasteko bidea zabalik du.
Oraindik, balizko koalizioaren inguruan ia dena dago adosteko; izena, gutxienekoen programa eta zerrendak, besteak beste.