hauteskunde autonomikoak
Larrionek dio PP 'ustel' batek Otegi hautagai izatea ekidin nahi duela
Agentziak | Erredakzioa
Bere aburuz, Alfonso Alonso eta Javier Maroto alderdi popularreko agintariak dira politikarako 'ezgaituta' daudenak, 'San Antonio auzia' dela-eta.
Miren Larrion. Artxiboko argazkia.
Irailaren 25eko hauteskundeetara begira EH Bildu alderdiko Arabako zerrendaburua den Miren Larrionek PPri aurpegiratu dio lehendakarigai izateko Arnaldo Otegiren hautagaitza baliogabetu nahi izatea, 'Bateragune auzian' jasotako zigorra aintzat hartuta. Izan ere, Alderdi Popularra "ustelkeriarengatik" markatuta dago, eta Alfonso Alonso bere hautagaia eta Javier Maroto bezalako buruak Kontuen Auzitegiarengatik kondenatuta daude.
Europa Pressi emandako elkarrizketa batean, Larrionek baieztatu du Fiskaltzaren, PPren, Ciudadanosen eta UPyDren asmoa, EH Bilduren hautagai gisa Otegi hauteskunde autonomikoetara aurkeztea saihestearena, "urduri" daudelako eta "beldur" direlako da, agintari abertzalea politikara itzultzeak Euskadin "benetako aldaketa" egotea ekar dezakeelako.
Arabako EH Bilduren buruak azaldutakoaren arabera, ez du harritzen PPren jarrerak, baina nabarmendu duenez, Alfonso Alonso Alderdi Popularraren lehendakarigaia ez da pertsona egokiena beste hautagaitza bat baliogabetzen saiatzeko.
Miren Larrionek gogoratu du Alonso, Javier Marotorekin batera, Estatuko Kontuen Auzitegiarengatik kondenatuta dago 'San Antonio' auziaren barruan. Errekurrituta dagoen zigorraren arabera, 400.000 euro ordaindu behar dituzte (beste kondenatuekin batera), Gasteizko Udala zuzentzen zuten garaian enpresari batekin merkatukoa baino askoz prezio altuagoan kontratu publiko bat sinatzeagatik.
"Ezgaituta"
EH Bilduren hautagaia eta alderdi horrek Gasteizko Udalean duen bozeramailea denak baieztatu du bai Alonso, bai Maroto "erabat ezgaituta" daudela; izan ere, epaiak berak "zabarkeria larria" egozten die, eta "herritarren interesen aurka" jardun izatearen erantzule egiten die.
ule egiten die.ule egiten die.