PSOE
Sanchezek gobernua osatzeko deia egin die Podemosi eta Ciudadanosi
Agentziak | Erredakzioa
PSOEren Batzorde Federala urriaren 1ean bilduko da; idazkari nagusiak Rajoyren balizko inbestidurari ezezko botoa ematearen alde egingo du.
Pedro Sanchez, PSE-EEk Portugaleten egindako hauteskunde-ekitaldian. Argazkia: EFE.
Pedro Sanchez PSOEko idazkari nagusiak deia egin die Pablo Iglesias eta Albert Rivera Podemoseko eta Ciudadanoseko buruei aldaketa gobernua adosteko.
"Merezi du betoak kentzea eta lan egitea herrialde honek merezi duen aldaketa gobernua martxan jartzeko", adierazi du buruzagi sozialistak, Bilbon eskainitako hauteskunde ekitaldi batean.
Sanchezek esan du “premiazkoa” dela Espainian gobernua osatzea, baina gobernu "garbia eta duina". "Eta horrek ezin du Rajoyk bermatu", gaineratu du.