AUZITEGI NAZIONALA
'Naparra'ren kasuko ikerketa berriro zabaltzeko eskatu du Fiskaltzak
AGENTZIAK | ERREDAKZIOA
Auzitegi Nazionaleko Fiskaltzak idatzi bat igorri dio Ismael Moreno instrukzio epaileari, 'Naparra'ren desagerketari eta hilketari buruzko 'informazio garrantzitsua' aurkitu duela sendiak esanez.
Argazkia: EFE
Jose Miguel Etxeberria Alvarez Naparraren desagertzea eta hilketa argitzeko ikerketa berriro abian jar dezala eskatu dio Auzitegi Nazionaleko Fiskaltzak Ismael Moreno epaileari, Naparraren sendiak joan den astean egindako eskariari erantzunez.
Naparra 1980ko ekainaren 11n desagertu zen, eta haren bahiketa eta hilketa Batallon Vasco Españolek hartu zituen bere gain. Etxeberria familiak haren auzia berriz irekitzea eskatu zien Fiskaltzari eta Auzitegi Nazionalari, informazio berria duela argudiatuta.
Sendiaren arabera, "Estatu terrorismoari" eta halako ekintzak egin zituztenei lotutako "isilpeko iturri batek" jakinarazi zien Naparraren gorpua Mont-de-Marsan inguruan zegoela lurperatuta.
Orain, Javier Zaragoza Auzitegi Nazionaleko Fiskaltzak, idatzi baten bidez, Moreno epaileari adierazi dio familiak emandako informazioa "garrantzitsua" dela, eta kasua berriro zabaltzeko.
iro zabaltzeko.iro zabaltzeko.