Frantziak eta Espainiak atxiloketak babestu dituzte

Bruno Le Roux Frantziako Barne ministroak larunbat goizean egindako adierazpenetan esan duenez, "inori" ez dagokio ETAren armak desegitea. Modu horretan egin die erreferentzia atzo gauen Luhuson (Lapurdi) atxilotutako bost gizarte-ekintzaileei, zeintzuek ETAren armagabetze-prozesuan parte hartzeko asmoa zuten.

"Terrorismo gaietan, froga guztiak justiziari heldu behar zaizkio. Inork ez du armak, balizko frogak izan daitezkeenak, suntsitzeko zeregina bere gain hartzeko eskubidea", azaldu die hedabideei Parisko kanpoaldean dagoen Vélizy herrira egindako bisitaldian.

Le Rouxek bere buruari galde egin dio ea zein den "ekintza larriak edota atentatuak egiteko erabili ahal izan diren armak" suntsitu nahi izatearen arrazoia. Aldi berean, Frantzian zehar legez kanpo dauden arma guztiak atzemateko ahaleginean jarraituko dutela azaldu du.

Bere aldetik, Juan Ignacio Zoido Espainiak Barne ministroak oso garrantzitsutzat jo du ETAren aurka egindako operazioa, eta ez du baztertu orain artekoez gain atxiloketa gehiago egotea.

Bere aburuz, modu horretan aurrera jarraitzen dute ETAren ahalik eta arma eta lehergailu gehien atzemateko helburuan, "behin betiko arma ematea egiten duten arte".

Zoidoren ustetan, delitu-ekintza guztiak ikertzen jarraitu behar dute, eta, beraz, "armak desegitea ekidin behar da".

idin behar da".