Elkarretaratzea
Sare: 'Preso gaixoen egoera jasanezina da'
Agentziak | Erredakzioa
Euskal presoen aldeko herri-mugimenduak elkarretaratzea antolatu du Gasteizen, larriki gaixo dauden presoak askatzea eskatzeko.
Sarek preso gaixoen aldeko elkarretaratzea deitu du Gasteizen. EiTB
Arantza Armentia euskal presoen aldeko herri-plataformaren bozeramaileak ohartarazi duenez, larriki gaixo dauden euskal presoen egoera "jasanezina da", eta "min gehiago emateko" soilik mantentzen dituzte kartzelan.
Sarek elkarretaratzea antolatu du gaur Gasteizen, gaixotasun larriak dituzten euskal presoak kartzelatik atera ditzaten eskatzeko.
Armentiaren esanetan, geroz eta preso gaixo gehiago daude eta "egoerak okerrera egiteaz gain, erabat larria bihurtzen ari da".
Bestalde, "ez du ulertzen" egungo Espainiako eta Frantziako legedia "sistemaz ez betetzea krudelki", eta "inork hori eteteko ezer ez egitea".
"Arduradun politikoei egoera hori konpon dadin eskatzen diegu, eta presoak gizateriaz kalera atera daitezen", eskatu du. "Kartzelan jarraitzeak ez du inolako helbururik, min gehiago egitea ez bada", gaineratu du.