Aberri Egunaren bezperan
PP: 'Axolagabekeria baino ez eragiten duen zaharreria da Aberri Eguna'
EUROPA PRESS | ERREDAKZIOA
Euskadiko PPko idazkari nagusiaren aburuz, "aberriaren eta subiranotasunaren hil-oihalarekin EAJ estaltzen den bitartean, bizitza-proiektuak ahalbidetzeko" politikak defendatzen ditu PPk.
Amaya Fernandez Euskadiko PPko idazkari nagusia. Argazkia: EFE
Amaya Fernandez Euskadiko PPko idazkari nagusiaren ustetan, "euskal herritarren artean axolagabekeria baino ez eragiten duen zaharreria da Aberri Eguna". Gainera, Fernandezek azpimarratu duenez, "aberriaren eta subiranotasunaren hil-oihalarekin EAJ estaltzen den bitartean", euskal herritarren "bizitza-proiektuak ahalbidetzeko" politikak defendatzen ditu Euskadiko PPk.
Euskadiko Eguna Aberri Eguna izateko EAJk egindako proposamenaren harira, Amaya Fernandezek esan du "akordiorik handiena lortu duen data urriaren 25a da, Euskadiko Autonomia Estatutua ospatzen den eguna", alegia.
"Jai ofizial moduan ezarri zenean guk ere aldarrikatu genuen, eta hobeto ordezkatzen gaituen data dela pentsatzen dugu, asko baloratzen dugun adierazlea delako, autogobernua, hain zuzen ere", azaldu du.
Fernandezen iritzian, "euskal herritarrak banatzen dituzten egunak zehaztu nahi dituzte abertzaleek, eta PPren ardura izango da gehiengoa ordezkatzeko esparruak eraikitzea".