Prozesu eraikitzailea
Zabalik da EH Bilduren barne kargudun berrien alde bozkatzeko epea
Agentziak | Erredakzioa
Ostiralera arte, Otegi buru duen Mahai Politikoaren zerrenda bakarra eta gaineko idazkaritzak hautatzeko aukera izango dute militanteek.
Otegi, Urizar eta Matute, EH Bilduren ekitaldi batean. Argazkia: @ehbildu
Astelehen honetan abiatuko du EH Bilduk bere zuzendaritza eta idazkaritzak aukeratzeko bozketa prozesua. Orain arte koalizioa zenak kongresua du ekainaren 17an, eta horrela amaituko du azken hilabeteetako prozesu eraikitzailea.
Militanteek izena eman behar dute botoa emateko —kongresua.ehbildu.eus aplikazioan egin daiteke— eta ostiralera arte dute hautagaitza bakarraren alde egiteko. Emaitzak Bilboko Euskalduna Jauregian larunbatean egingo duten kongresuan jakinaraziko dituzte. Kongresuan Eztabaidarako Dokumentua eta Estatutuak bozkatuko dituzte.
Arnaldo Otegi du buru EH Bildu berria zuzentzeko aurkeztutako hautagaitza bakarrak. Sortuk, Eusko Alkartasunak, Aralarrek eta Alternatibak Mahai Politikoa osatzen duten sei izenak adostu dituzte.
Mahai Politikoa ez ezik, herrialde bakoitzeko eta gainerako idazkaritzak ere bozkatu ahalko dituzte militanteek.
Idazkaritzei dagokienez, aurkeztu diren 20etatik bitan (Ingurumena eta Kirolak) bi hautagai daude; gainerakoetan, bakarra.
karra.