Katalunia
Bartzelonako Unibertsitate Autonomoko ikasleak greban, 155aren kontra
Agentziak | Erredakzioa
Hiru protesta egun egingo dituzte gaurtik hasita. Bihar greba deitu dute Kataluniako unibertsitate guztietan.
AP-7a itxi duten ikasleen protesta. Argazkia: <a href='https://twitter.com/Comunicaciouab' target='_blank' title='@Comunicaciouab'>@Comunicaciouab</a>
Espainiako Gobernuak Katalunian ezarri asmo duen Espainiako Konstituzioaren 155. artikuluaren kontra, hiru greba egun deitu dituzte Bartzelonako Unibertsitate Autonomoan (UAB, katalanez) gaurtik hasita.
Biharko Kataluniako unibertsitate guztietan egin du greba deialdia Errepublikaren aldeko Unibertsitate plataformak, UABko Fakultate Asanbleen Koordinakundearen eta Herri Katalanen Ikasle Sindikatuaren (SEPC, katalanez) babesarekin.
Dijous 26 d'octubre VAGA D'ESTUDIANTS!
— Unis x la República (@unisxrepublica) 2017(e)ko urriak 22
EL POBLE HA VOTAT, ARA REPÚBLICA! pic.twitter.com/3ht1Lv4c5D
Gaurko lehen mobilizazioa goizean goiz egin dute Bartzelonako Unibertsitate Autonomoko ikasleek. Hala, 08:00ak baino lehen, B-30a eta AP-7a itxi dituzte hainbat minutuz:
Estudiants de la #UAB tallen #Ap7 al seu pas per #Bellaterra #Cerdanyola @SEPC_UAB @SEPC_nacional https://t.co/Th5cGNbLyF
— TOT Cerdanyola (@TOTCerdanyola) 2017(e)ko urriak 25
Horrez gain, aulkiak eta mahaiak paratu dituzte unibertsitatearen oinezko sarbidean, protesta gisa.
Gaua unibertsitateko Letren Fakultatean eman dute 200 bat pertsonak, eta beste fakultate batzuetara joan dira gero, informazio-piketeak egiteko.
"La llibertat és quan comença l'alba en un dia de vaga"
— SEPC_UAB (@SEPC_UAB) 2017(e)ko urriak 25
La UAB en peu de guerra per la defensa de la República! ¿¿¿ #RepúblicaARA pic.twitter.com/LVIMQMtsje
"Estatuaren errepresioa, 155a esaterako, salatzen eta baztertzen dugu; Jordi Sanchez eta Jordi Cuixart aske uztea eskatzen dugu eta Kataluniako Parlamentuari Errepublika aldarrikatzeko galdegiten diogu, haustura barik ez dugu-eta aurrera egingo", adierazi du Celia Appel SEPCk Bartzelonako Unibertsitate Autonomoan duen bozeramaileak.