Urkullu: 'Denbora dago oraindik Katalunian konponbide bat topatzeko'

Iñigo Urkullu lehendakariaren arabera, Kataluniako krisia "konponbidetik oso gertu egon zen" ostegunean, eta "oraindik lortzeko denbora dago", horren ustez.

Kataluniako enpresariekin batera, bitartekaritza lanak egin zituen Espainiako Gobernuaren eta Kataluniakoaren artean jarrerak hurbiltzeko, eta Puigdemont hauteskundeak deitzetik gertu egon zen.

"Egoera oso kezkagarria da. Atzo oso gertu egon ginen konponbidetik. Erantzukizun handiko momentua da, eta egoerak eskatzen duten maila emateko garaia da", esan du lehendakariak.

"Errealismotik" jokatzearen alde egin du Urkulluk, "konponbide bat lortzeko". "Horretan gaude", erantsi du.