KATALUNIA
'Katalunia babesteko bide bakarra' zerrenda bateratua dela esan du PDeCATek
AGENTZIAK | ERREDAKZIOA
Pascal eta Mas PDeCATeko ordezkariak Carles Puigdemontekin bildu dira gaur, Bruselan.
Puigdemontekin bildu dira gaur Pascal eta Mas, Bruselan.
Abenduaren 21eko hauteskundeetara Kataluniako independentistak zerrenda bakarrean aurkeztearen alde agertu da Marta Pascal PDeCATeko koordinatzailea. Horren iritzian, "Katalunia babesteko bide bakarra" zerrenda bateratua da.
Carles Puigdemont presidentearekin Bruselan bildu dira gaur Pascal eta Artur Mas PDeCATeko burua.
Bileraren ondoren, Twitter bidez babesa helarazi dio Pascalek Puigdemonti. "Presidente, ez zaude bakarrik. Norbaitek nahi al du batzea? Oraindik, garaiz gaude", esan du txio batean.
Avui amb el #presidentMas, en @davidbonvehi i en @Ferran_Bel hem vist al President @KRLS amb força, serenor i determinació.
— Marta Pascal (@martapascal) 11 de noviembre de 2017
President, no estàs sol. Algú més s’hi vol sumar? Encara hi som a temps! #PresidentNoEstasSol
ERC alderdiak, goizean, zerrenda bateratuaren aukera baztertu du, lankidetza bermatu duen arren.
PDeCATeko iturriek jakitera eman dutenez, Puigdemont "indartsu eta kementsu" aurkitu dute goizeko bileran. Diskrezio handiz egin da batzarra, eta ez da jakitera eman bilera non egin den.