Epailearen aurrean agertu ez ziren Reuseko CUPen bi zinegotziak atxilotu dituzte

Esquadra mossoek Marta Llorens eta Oriol Ciurana Reuseko CUPen bi zinegotziak atxilotu dituzte. U-1eko erreferendumarengatik Kataluniara bidali zituzten Polizia Nazionaleko kideei ostatu eman zien hotel baten aurrean egindako protestak ikertzen ari den epaileak deklaratzera deitu zituen bi aldiz. Zinegotziak ez ziren agertu.

Mossoek jakitera eman dutenez, bi zinegotziak Reuseko udaletxean sartzen ari zirenean atxilotu dituzte kalez jantzitako agenteek.

Bi atxilotuak Reuseko polizia-etxera eraman dituzte, ostegun honetan epailearen aurrera eramateko zain. Dozenaka pertsonak elkarretaratzea egin dute eguerdian, polizia-etxearen aurrean.

Estatua “zapaltzailea” dela adierazi dute bi zinegotziek bideo batean. Twitter sare sozialean CUPek argitaratutako bideo batean, Oriol Ciurana zinegotziak esan du: “Gaur atxilotu naute Espainiako Estatua zapaltzailea delako eta justizia politizaturik dagoelako eta norabide bakarra duelako”.

 

Avui han detingut el regidor de la @cupreus @oriolciurana84 per mantenir-se #dempeus i ser fidel al mandat popular! #Somllavor @cupnacional @ANC_Reus @CasalDPF @omniumbaixcamp @CDRReus @EdgarFdz @XaviAngelergues @XaviMilian @ pic.twitter.com/2xqkETabBr

— CUP Reus (@CUPReus) 27 de diciembre de 2017

 

Antzeko formatu batean, “kontsekuente izateagatik” atxilotu dutela salatu du Marta Llorens zinegotziak.

 

¿¿Avui han detingut a la Marta Llorens, regidora @CUPReus per defensar el mandat popular i denunciar la repressió de l'estat espanyol.
Concentració les 20h davant l'ajuntament de #Reus i davant tots els ajuntaments de les capitals de comarca del país. #SomLlavor #SensePor ¿ pic.twitter.com/PVJPN497P7

— CUP Països Catalans (@cupnacional) 27 de diciembre de 2017

Atxilotuen abokatuek “habeas corpus” eskatu dute, atxiloketaren iraupenagatik.