Erial operazioa
Eduardo Zaplana baldintzarik gabe espetxera bidali du epaileak
Agentziak | Erredakzioa
Valentziako Generalitatearen president ohia epailearen esku utzi dute ostegun honetan, asteartean beste sei pertsona gehiagorekin batera atxilotu ondoren.
Eduardo Zaplana Valentziako Generalitatearen president ohia. Argazkia: EFE
Erial operazioa zuzentzen ari den epaileak Eduardo Zaplana Generalitateko president ohia bermerik gabe eta baldintzarik gabe espetxera bidali du gaur, iturri juridikoek jakitera eman dutenez. Zaplana Picassenten (Valentzia) espetxeratuko dute.
Zaplana epailearen esku utzi dute gaur, asteartean beste sei pertsona gehiagorekin batera atxilotu ondoren, diru publikoak bidegabe erabiltzea, prebarikazioa, dirua zuritzea eta funtzionarioen eroskeria egotzita.
Valentziako presidente ohia eta ministro ohia arratsaldeko lehen orduan epailearen esku jarri dute, Guardia Zibilaren UCOk bere etxebizitzen eta bulegoen miaketak amaitu ondoren.
Konkretuki, behin-behineko espetxealdi, komunikatua eta fidantzarik gabe ezarri dio epaileak Zaplanari, erabakiaren berri izan duten iturriek jakinarazi dutenez. Lehentxeago, Ustelkeriaren Aurkako Fiskaltzak neurri hori aplikatzea eskatu du.
Cotinotarrak, libre karguekin
Bestalde, Jose eta Vicente Cotino enpresaburuak libre karguekin utzi ditu epaileak. Horrela, Juan Cotino Les Cortseko presidente ohiaren ilobek epaitegietan astero agerraldia egin beharko dute sinatzeko, erabakiaren berri izan duten iturrien arabera.
Instruktorearen aurrean ez deklaratzeko eskubidea erabili dute atxilotuek. Epaileak sumario-sekretua ezarri du auzian. Era berean, Guardia Zibilaren aurrean ez dute deklaratu atxilotuek, ezta ikertuek ere, besteak beste, Juan Cotinok.
Eduardo Zaplana president zen garaian, ibilgailuen azterketa teknikoaren (IAT) eta plan eolikoaren esleipenaren truke, legez kanpoko komisioetan 10 bat milioi euroren kobrantza ikertzen ari dira Ustelkeriaren Aurkako Fiskaltza eta Guardia Zibila.