Gurtel auziaren epaia
Rajoyren aurka zentsura-mozioa aurkeztea aztertzen ari da PSOE
AGENTZIAK | ERREDAKZIOA
Pedro Sanchezek Alderdi Sozialistaren ezohiko zuzendaritza bilera deitu du ostiral honetan erabaki bat hartzeko.
Mariano Rajoyk eta Pedro Sanchezek Moncloan egindako bilera baten artxiboko irudia. Argazkia: EFE
Gurtel auziaren epaia ezagutu ondotik, Pedro Sanchez PSOEko buruzagia Mariano Rajoy Espainiako Gobernuko presidentearen kontra zentsura-mozioa aurkezteko aukera aztertzen ari dela zabaldu du EFE berri-agentziak.
Sanchezen alderdiko zenbait buruzagirekin bildu da arratsalde honetan Ferrazen eta bihar goizerako (11:00) ezohiko zuzendaritza bilera deitu du, zentsura-mozioa aurkeztu ala ez erabakitzeko.
Auzitegi Nazionalak Gurtel auziari buruzko lehen epaia eman du gaur goizean. 37 auzipetuetako 29ri kartzela-zigor handiak ezarri dizkie eta Alderdi Popularra ustelkeriagatik zigortu du.