Erabakitzeko eskubidea
Igandeko giza katea 'mugarri' izatea espero du Gure Esku Dagok
Agentziak | Erredakzioa
Angel Oiarbide eta Jone Amonarriz Gure Esku Dago plataformako ordezkariak Bakartxo Tejeria Eusko Legebiltzarreko presidentearekin bildu dira.
Your browser doesn’t support HTML5 video
Datorren igandeko mobilizazioa "erabakitzeko eskubidea aitortzeko" bidean eta proiektu politiko guztiak "modu baketsuan eta demokratikoan" gauzatzeko bidean "mugarri" izango dela espero du Gure Esku Dagok.
Angel Oiarbide eta Jone Amonarriz herri-mugimendu horretako bozeramaileak Bakartxo Ruiz Eusko Legebiltzarreko presidentearekin bildu dira gaur goizean, Gasteiz, Bilbo eta Donostia lotuko dituen giza katearen helburuak azaltzeko.
Legebiltzarreko Autogobernu Lantaldean Euskal Autonomia Erkidegoko Estatutu politiko berria eztabaidatzen ari direla kontuan hartuta, herritarrek debate horretan eragitea "ezinbestekoa" dela esan du Oiarbidek, egitasmoak erabakitzeko eskubidea aitortu dezan.
Eusko Ikaskuntza fundazioaren bidez herritarrek Estatutu politiko berriari buruzko eztabaidan parte hartzeko aukera dute.
Datorren igandeko mobilizazioak izaera "eraikitzailea" duela azpimarratu du, eta onartu du Gure Esku Dagorentzat "erronka" handia dela, 202 kilometro giza katea osatzeak eskatzen duen azpiegitura eta ahaleginagatik.