Puigdemonten salaketa
Espainiako Gobernuak milioi erdi euro gastatuko du Llarena Belgikan defendatzeko
agentziak | erredakzioa
544.982 euroko kontratua sinatuta, Liederke Wolters Waelbroeck Kirpatrick abokatu taldearen esku utzi du Estatuaren eta Llarena magistratuaren defentsa.
Pablo Llarena Auzitegi Goreneko magistratua. Argazkia: Efe
Espainiako Justizia Ministerioak Liederke Wolters Waelbroeck Kirpatrick Belgikako abokatu taldearen esku utzi du Estatuaren eta Pablo Llarena Auzitegi Goreneko magistratuaren defentsa, Carles Puigdemont Kataluniako presidente ohiak eta lau kontseilari ohik Belgikan jarri dioten salaketari aurre egiteko, eta Espainiako Gobernuak 500.000 eurotik gora bideratu ditu horretara.
Ministerioak jakinarazi duenez, abokatuak aukeratu ostean, Espainiak Bruselan duen enbaxadara bidali zuten dokumentazioa, eta bertan sinatu dute defentsa lana egiteko kontratua.
Kontratua 544.982 eurokoa da, zerga eta guzti, hau da, Espainiako Gobernuak milioi erdi euro baino gehiago gastatuko du horretan.