Larunbat honetan
ATAk presoen amnistiaren aldeko manifestazioa egin du Bilbon
AGENTZIAK | ERREDAKZIOA
Amnistiaren Aldeko eta Errepresioaren Kontrako Mugimenduaren esanetan, "independentziaren alde borroka egin zuten gudariak" dira presoak, "ez terroristak".
Bilbon izan da da ATAk deitutako martxa. Argazkia: EiTB
ATA Amnistiaren Aldeko eta Errepresioaren Kontrako Mugimenduak manifestazioa egin du larunbat honetan Bilbon, ETAko presoentzako amnistia aldarrikatzeko, "independentziaren alde borroka egin zuten gudariak direlako, ez terroristak".
Ehunka lagunek bat egin dute ATArekin deialdiarekin, eta 'Gudariak direlako, amnistia osoa' lemapean manifestatu dira Bizkaiko hiriburuko kaleetan.
Martxaren antolatzaileek salatu dutenez, "espetxean edo erbestean dauden errepresaliatuek agerian utzi zuten euskal kultura bizirik iraun dezakeela bakarrik borroka bidez".
18:15ak jota abiatu da manifestazioa, Bilboko Jesusen Bihotzatik, 'jo ta ke irabazi arte' oihuan artean. Parte-hartzaileen hitzetan, amnistia "bide bakarra da, eta ezin da negoziatu".