Adierazpen instituzionala
ANk Altsasu auziaz emandako epaiaren 'erabat kontra' dago Nafarroako Parlamentua
Agentziak | Erredakzioa
Bozeramaileen Batzordeak adierazpena onartu du gaur Apelazio Aretoak emandako epaiak 'zigor altuak berretsi dituelako eta auzi horretan egon den neurrigabekerian sakondu duelako'.
Auzitegi Nazionaleko Apelazio Aretoa, auzia aztertzeko saio batean. EFE
Nafarroako Parlamentuko Bozeramaileen Batzordeak adierazpen instituzionala onartu du gaur Auzitegi Nazionalaren Apelazio Aretoak Altsasu auziaz eman berri duen epaiaren harira. Adierazpenean epai horren "erabat kontra" dagoela nabarmendu du Ganberak.
Geroa Bai, EH Bildu, Podemos-Orain Bai eta Izquierda-Ezkerra taldeek aurkeztu dute agiria, eta laurek egin dute horren alde. UPNk, PSNk eta PPNk, ordea, kontra bozkatu dute.
Adierazpenean irakur daitekeenez, "Nafarroako Parlamentua Auzitegi Nazionalaren Apelazio Aretoak emandako epaiaren erabat kontra dago, zigor altuak berretsi dituelako eta auzi horretan egon den neurrigabekerian sakondu duelako".
El @parlamentoNA muestra su "absoluta discrepancia con la ratificación de las desproporcionadas" condenas a los jóvenes de Altsasu
— Parlamento de Navarra (@parlamentoNA) 11 de marzo de 2019
Todos los acuerdos adoptados hoy por la Mesa y Junta de Portavoces ¿https://t.co/EeskD0tEfk pic.twitter.com/BXgVh8vaaW
Horren ildoan, Ganberak "derrigorrezko" ikusten du "Auzitegi Gorenak eman beharreko epaian justizia eta proportzionaltasuna nagusitzea".