PRESOAK
Euskal ordezkaritza eta Frantziako Justizia Ministerioa harremanetan dira berriro
EITB.EUS
Ekainaren 7an biltzar bat egingo dute Biarritzen eta ekainaren 8an giza kate bat, bake prozesuari eta presoen auziari bultzada bat emateko.
Ipar Euskal Herriko ordezkaritza eta Frantziako Justizia Ministerioa harremanetan dira berriro, presoen auzia hizpide, Bake Bideak jakinarazi duenez, eta "laster" presoen hurbilketan aurrerapausoak espero dituela azpimarratu du.
Mixel Berhokoirigoinen hitzetan, urtarrilean hasi zituzten elkarrizketak eta biziarteko zigorrera kondenatutako hiru presoren egoera izan dute ahotan, kasuak berriro aztertu eta baldintzapean aske utz ditzatela eskatzeko.
Hala iragarri zuten atzo Biarritzeko Bellevue kasinoan eskainitako prentsaurrekoan. Agerraldian parte hartu zutenen artean daude, Anaiz Funosas, Bake Bideako presidentea; Mixel Berhokoirigoin, Ipar Euskal Herriko ordezkaritzako kidea; Jean-Rene Etchegaray, Euskal Elkargoko presidentea; Michel Veunac Biarritzeko alkatea eta Lucien Betbeder Auzapezen Biltzarreko presidentea.
¿ Gaur Bakegileak eta @BakeBidea |k prentsaurrekoa eskeintzen dugu, gure mobilizazio berria iragarriz.#OrainPresoak
— Artisans de la Paix (@Artisans_Paix) 14 de mayo de 2019
¿ Conférence de presse des Artisans de la Paix et Bake Bidea pour annoncer des nouveaux rendez-vous#MaintenantLesPrisonniers pic.twitter.com/KaymkVZQu4
Gaurko agerraldian, Miarritzeko auzapeza den Michel Veunac; Luzien Betbeder Auzapezen Biltzarreko presidentea; Jean Rene Etxegarai Euskal Elkargoko lehendakaria; Anaiz Funosas @BakeBidea eta Mixel Berhokoirigoin @Artisans_Paix izan dira
— Etxerat Elkartea (@EtxeratElkartea) 14 de mayo de 2019
Bestalde, ekainaren 7an eta 8an biltzar bat eta giza kate bat egingo dituzte Biarritzen, bake prozesuari eta presoen auziari bultzada emateko. Ekainaren 7an (ostirala) biktimen lekukotzak entzungo dira.
Sarek, bere aldetik, hurrengo egunean Biarritzen egingo den giza katean parte hartzeko deia egin du.
Bakegileak eta Bake Bideak egindako deialdiarekin bat egiten dugu, eta Ekainaren 8an Biarritzen egingo den giza katean parte hartzeko deia egiten dugu.#OrainPresoak #Biarritz pic.twitter.com/U5MHx41Osu
— Sare #OrainPresoak¿¿¿ (@sare_herritarra) 14 de mayo de 2019