Gipuzkoa
PSE-EEk eta EAJk gobernu ituna itxi dute Pasaian, nahiz eta EH Bilduk bertan irabazi
Agentziak | Erredakzioa
Izaskun Gomez jarduneko alkateak karguan errepikatzeko balioko du akordioak; izan ere, berriro alkate izendatuko dute larunbat honetan.
Pasaia (Gipuzkoa). Artxiboko argazkia: Xanti Esnaola
PSE-EEk eta EAJk gobernagarritasun akordioa itxi dute Pasaian (Gipuzkoa), nahiz eta EH Bilduk garaipena erdietsi azken hauteskundeetan, bi alderdietako iturriek jakitera eman dutenez.
Izaskun Gomez jarduneko alkateak karguan errepikatzeko balioko du akordioak; izan ere, berriro alkate izendatuko dute larunbat honetan. EH bilduk 6 zinegotzi lortu zituen maiatzaren 26an, sozialistek 5 eskuratu zituzten -2015eko berdinak-, EAJk 4 -bat gutxiago- eta Elkarrekin Podemosek 2.
Astebeteko negoziazioen ondoren, bi alderdiek hasiera bateko mesfidantza gainditu eta EAJko zein PSE-EEko zuzendaritzek sinatutako itun orokorrari eutsi diote, udal gobernua eskuratzeko eta EH Bildu kentzeko.
Azken legealdian koalizioan gobernatu dute bi alderdiek, baina biek botoak galdu zituzten azken hauteskundeetan. Koalizio abertzaleak, aldiz, hauteskundeak irabazi zituen, 2015ean baino boto eta bi zinegotzi gehiago lortuta.