Memoria historikoa
Erorien Haraneko prioreak ohartarazi du ez duela Franco hobitik ateratzen utziko
Agentziak | Erredakzioa
Santiago Canterak Espainiako Gobernuko jarduneko presidenteordeari gutun bidez esan dionez, "Abadiak ez du Basilikan sartzeko baimenik emango".
Erorien Harana. EFEren artxiboko irudi batean.
Santiago Cantera Erorien Haraneko prioreak Espainiako jarduneko Gobernuari ohartarazi dionez, ez du basilikan sartzeko baimenik emango Francisco Franco diktadorea hobitik ateratzeko, Abadiak Auzitegi Gorenaren aurrean aurkeztutako alegazioei erantzun arte.
Canterak gutuna bidali dio Carmen Calvo Espainiako Gobernuko jarduneko presidenteordeari. Idatzian dioenez, "Abadiak ez du basilikan sartzeko baimenik emango res sacra batera heltzeko".
Priorearen ustez, Auzitegi Gorenaren epaiak ez die euren alegazioei erantzun, eta "Elizaren baimenik gabe leku sakratu batean sartzea askatasun erlijiosoa urratzea litzateke", horren esanetan.