Tsunami Demokratikoak azaroaren 9an egingo du mobilizazioa, hausnarketa-egunean

Tsunami Demoktratikoak mobilizazioa egingo du azaroaren 9an, alegia hauteskunde orokorren bezperan, hausnarketa-egunean, 'Egin dezagun hausnartzea' goiburupean.

Twitterren idatzitako mezu baten bidez (Europa Pressek jaso du), plataformak, ostegun honetako lehen orduan, kartel bat argitaratu du, aurreratzeko Espainiako Hauteskunde Batzordearen agindua ez duela beteko.

Tsunami Demokratikoak esana zuen Estatu mailako ekintza egingo zuela azaroaren 9an; hilaren 11n, 12an eta 13an ere egingo du ekintza bana, “ezusteko leku batean”, eta bosgarren mobilizazio bat ere du aurreikusita, abenduaren 18rako. Azken egun horretan, Bartzelonan, Bartzelona-Real Madril partida jokatuko da.