6 lagun deklaratzera deitu dituzte, Errenteriako protestak direla eta

Gutxienez 6 lagun deitu dituzte epaitegietara deklaratzera Albert Riverak apirileko hauteskunde kanpainan Errenteriara egindako bisitaren testuinguruan izandako protesten harira, Euskadi Irratiak jakinarazi duenez.

Abenduaren 2an eta 3an agertu beharko dute ikertu gisa Donostiako epaitegietan. Kasuarekin lanean ari diren abokatuek, gainera, ez dute baztertzen datozen egunetan zitazio gehiago iristea.

Ciudadanosek apirilaren 14an eman zuen mitina Errenterian. Tentsio uneak izan ziren manifestairen, Ciudadanoseko militanteen eta Ertzaintzaren artean. Poliziaren kargak ere izan ziren.

Gipuzkoako Fiskaltzak maiatzean ireki zuen manifestarien aurkako ikerketa.