Auzitegi Konstituzionala
Kataluniako buruzagi independentistei ezarritako zigorrak baliogabetzea baztertu dute
AGENTZIAK | ERREDAKZIOA
Konstituzionaleko magistratuek argudiatu dutenez, bost urtetik beherako kartzela-zigorrak soilik indargabetu daitezke. Kataluniako politikariak 9 eta 13 urte arteko espetxealdia betetzen ari dira.
Kataluniako buruzagi independentistak epaiketan. Artxiboko argazkia: EFE
Auzitegi Gorenak "proces" epaiaren kontra aurkeztutako helegiteak aztertzen dituen bitartean, Kataluniako buruzagi independentistek beren aurkako kartzela-zigorrak baliogabetzea eskatu zuten.
Alabaina, Auzitegi Konstituzionalaren osoko bilkurak eskaera horiek atzera bota ditu eta, ondorioz, politikari katalanek preso jarraituko dute.
EFE agentziak zabaldu duenez, magistratuek argudiatu dute Konstituzionalaren doktrinaren arabera bost urtetik beherako kartzela-zigorrak soilik indargabetu daitezkeela eta kasu honetan baldintza hori betetzen ez dela; izan ere, 9 eta 13 urte arteko zigorrak betetzen ari dira.
Oraingoz, sei zigortuk egindako eskaerak baztertu dituzte. Oriol Junquerasek, Carme Forcadellek eta Raul Romevak aurkeztutako eskakizunak aurrerago ebatziko dituzte; izan ere, aurrez, magistratuen aurkako errekusazioak aztertu behar dituzte.