EPPKaren iragarpena
UpyD: 'Gernikako akordioa gizarteari xantaia egiteko saiakera da'
Erredakzioa
Bakea lortzeko prezioa bilatzen duela dio Gorka Maneiro, UPyDko bozeramaileak.
Gorka Maneiro. Argazkia. EITB
Presoek bat egin duten Gernikako akordioa "gizarteari xantaia egiteko saiakera zakar bat" dela esan du Gorka Maneiro UPyDko bozeramaileak, "bakea lortzeko prezioa bilatzen duelako".
ETAko presoek barkamena eskatzeko eta talde terroristari baldintzarik gabe "pertsiana jaisteko" esan behar diotela adierazi du Maneirok ohar batean.
"Estatua ez dago ETArekin zorretan". "Amaiera ETA errenditzean, demokrazia onartzen eta legea betetzen dutenean iritsiko da", esan du Maneirok.
"Odol delituak dituzten edota barkamena eskatzen ez duten presoekin kontzesiorik ez egotea eta prezio politikorik ez ordaintzea" defendatu du Gorka Maneirok.