BIKTIMAK
EH Bilduri "sariak ematen jarraitzea" leporatu dio Iturgaizek Sanchezi
AGENTZIAK | EITB MEDIA
EAEko PPko zuzendaritzako kideek lore eskaintza egin dute gaur goizean Zarautzen, ETAk 1998ko urtarrilaren 9an hil zuen Jose Ignacio Iruretagoyenaren hilobiaren aurrean.
Zarauzko ekitaldian hartutako irudia. Argazkia: Euskadiko PP
ETAk duela 23 urte hil zuen Jose Ignacio Iruretagoyen zinegotzia omentzeko ekitaldia egin du EAEko alderdi popularrak larunbat honetan Zarautzen.
Ekitaldi horretan, Euskadiko PPko presidenteak Sanchezen Gobernuak EH Bildurekin lortutako akordioak aipatu ditu. Iturgaitzek "itun lotsagarriak" egitea eta EH Bilduri "sariak ematen jarraitzea" leporatu dio Gobernuari.
"Gauza batzuk ez dira aldatzen. Gaizkileen, borreroen, hiltzaileen, hil nahi izan gintuzten horien alde manifestatzen jarraitzen duten berberak ikusten ditugu. Eta txalotu egiten dituzte, manifestatu egiten dira eta, gainera, ETAren terrorismoa justifikatzen dute eta ez dute gaitzesten. ETAren beso politikoa dira eta Bildu dute izena. Lehen Batasuna zuten izena, eta 'proetarrak' dira, hogei urte geroago hori guztia justifikatzen jarraitzen dutenak ", azpimarratu du.
Euskadiko PPko presidenteak uste du azken 20 urteetan aldatu dena, berriz, Espainiako Gobernua dela. PSOE eta Podemos aipatu ditu eta "borreroekin ituna egin eta borreroak justifikatzen dituztenekin ituna egin izana" leporatu die.