Politika orokorreko eztabaida
Pandemia, krisi ekonomikoa eta Estatutua izango dira eztabaidagai ostegun honetan Legebiltzarrean
AGENTZIAK | EITB MEDIA
Bilkura 09:30ean hasiko da, Iñigo Urkullu lehendakariaren hitzaldiarekin. Arratsaldean, berriz, talde parlamentarioen txanda izango da. Eztabaida zuzenean jarraitu ahalko da eitb.eus-en.
Eusko Legebiltzarra, artxiboko irudian. Argazkia: EFE
Politika Orokorreko eztabaida egingo dute ostegun honetan Eusko Legebiltzarrean, eta pandemiaren kudeaketa, krisi ekonomikoa eta Gernikako Estatutuaren erreforma izango dira eztabaidagai nagusiak.
Legegintzaldi honetako lehendabiziko eztabaida orokorra izango da; izan ere, iaz ez zen egin, hauteskunde autonomikoak uztailean egin zirelako eta lehendakariaren inbestidura irailean izan zelako.
Bilkura 09:30ean hasiko da, Iñigo Urkullu lehendakariaren hitzartzearekin. Arratsaldean, 14:30etik aurrera, talde parlamentarioen txanda izango da.
Lehendakariak erantzuteko tartea izango du gero, eta taldeek erreplikarako beste aukera bat izango dute amaitzeko.