Krisia PP-n
Diaz Ayuso: "Madrilgo Erkidegoak garbi jokatu duela erakutsiko dut"
eitb media
Madrilgo presidenteak berretsi du ez dela "legez kanpoko ezer egon" bere anaiak jasotako komisioetan, eta prentsaurrekoa iragarri du 12:30erako azalpen guztiak emateko.
Isabel Diaz Ayuso Madrilgo Erkidegoko presidentea, artxiboko irudi batean. Argazkia: Efe
Isabel Diaz Ayuso Madrilgo Erkidegoko presidenteak adierazi du "Madrilgo Erkidegoak garbi jokatu duela" erakutsiko duela, bere anaiak jaso dituen komisioen harira.
Madrilgo presidenteak COPE irrati-katean egindako elkarrizketa batean berretsi duenez, "ez da legez kanpoko ezer egon" bere anaiak jasotako komisioetan, eta iragarri du 12:30ean prentsaurrekoa emango dutela azalpen guztiak emateko.
Aitortu du bere anaiak komisio bat jaso zuela lagun bati esleitutako kontratu batengatik, baina azpimarratuz ez dakiela zenbatekoa izan zen eta ez dela legez kanpokoa.
Ayusok nabarmendu du ezingo dutela "frogatu" anaiari "ezertan" lagundu dionik.
"Legez kanpokoa da nik esku hartzen badut enpresa horri dirua eman diezaioten, baina ez dut egin", azaldu du presidenteak, Gobernuak operazio horretan ez zuela parte hartu gaineratu aurretik.