ESPAINIAKO MONARKIA
Zarzuelak atea irekita utzi dio Juan Carlos Borboikoari Espainiara bizitzera itzultzeko
EITB MEDIA
Felipe VI.ak Espainiako erregeak aitari ohartarazi dio bere portaerak kalte egiten diola koroari. Bost eguneko bisitaren ondotik, Espainiako errege emeritua Arabiar Emirerri Batuetara itzuli da.
Espainiako errege emeritua kazetariak agurtzen. Argazkia: EFE
Espainiako errege emeritua bart itzuli da Arabiar Emirerri Batuetara itzuli da, atzoko eguna Felipe VI.a semearekin eta familiarekin Zarzuela Jauregian igaro eta gero. Gauzak horrela, amaitu zaio ostegunean Sanxenxon hasi zuen bost eguneko bidaia.
Juan Carlos Borboikoa 10:00ak aldera iritsi zen Zarzuela Jauregira eta 11 ordu igaro zituen bertan.
Hainbat hedabidek zabaldu duten informazioaren arabera, Errege Etxeak atea irekita utzi dio Juan Carlos Borboikoari Espainiara bizitzera itzultzeko. Halaber, Espainiako erregeak aitari ohartarazi dio bere portaerak kalte egiten diola koroari.
Halaber, Espainiako Errege Etxeak oharrean nabarmendu du errege emerituak bere bizitza pertsonala antolatzeko aukera duela, bai bisitak egiteko eta baita etorkizunean Espainian bizitzera itzultzeko ere.
Espainiako errege emeritua Arabiar Emirerri Batuetara bueltan da, baina ekainaren 10ean itzuliko da Sanxenxora, belaontzien Munduko Kopan parte hartzeko.