Diputatuen Kongresua
EH Bilduk eta ERCk ez diete zuzenketarik aurkeztuko Sanchezen aurrekontuei
N. B. | EITB MEDIA
Koalizio independentistak eta kataluniarrek iragarri dute azkenean ez dutela aurkeztuko 2023ko Aurrekontu Orokorren aurkako osoko zuzenketarik, gobernuarekin dituzten negoziazioei tartea emateko.
Diputatuen Kongresua. Artxiboko argazkia: EFE.
EH Bilduk eta Esquerra Republicanak (ERC) iragarri dutenez, azkenean ez dute aurkeztuko 2023ko Aurrekontu Orokorren aurkako osoko zuzenketarik, koalizio gobernuarekin dituzten negoziazioei tartea emateko.
Koalizio independentistaren eta katalanen erabakiarekin (18 boto guztira), Espainiako Gobernuak Aurrekontuen lehen bozketa gainditzeko bidea erraztu du, datorren ostegunean Kongresuan egitekoa dena, baina oraindik ez ditu aldeko botoak lotu.