soldatak
Hiru ahaldun nagusiek Pedro Sanchezek baino gehiago kobratu zuten iaz
EITB MEDIA
Zerrendaren gorenean, Unai Rementeria Bizkaiko ahaldun nagusia dago, 112.250,60 euro jaso baitzituen joan den urtean. Pedro Sanchez Espainiako Gobernuko presidenteak, berriz, 84.845,16 euro.
Hiru ahaldun nagusiak EFEren artxiboko irudi batean
Arabako, Bizkaiko eta Gipuzkoako ahaldun nagusiek Pedro Sanchez Espainiako Gobernuko presidenteak baino soldata handiagoa izan zuten 2021ean. Zerrendaren gorenean Unai Rementeria Bizkaiko ahaldun nagusia dago, iaz 112.250,60 euro jaso baitzituen. Sanchezek, berriz, 84.845,16 euroko soldata izan zuen.
Hala jazo da Lurralde Politikako Estatu Idazkaritzak kudeatzen duen Administrazioko Lanpostuen Soldaten Informaziorako Sisteman (ISPA). Rementeriaren atzetik, Nuria Marin Bartzelonako Diputazioko presidentea dago, 2021ean, 106.916,74 euro kobratu baitzituen.
Ramiro Gonzalez Arabako ahaldun nagusiak 101.392,35 euroko soldata izan zuen, eta Markel Olano Gipuzkoako ahaldun nagusiak, aldiz, 88.590,49 eurokoa.