navarra sumaren haustura
UPNren Kontseilu Politikoak hauteskundeetara bakarrik aurkezteko erabakia babestu du
agentziak | eitb media
Hala, alderdiaren zuzendaritzak astelehen honetan hartutako erabakia berretsi dute.
Javier Esparza, UPNko presidentea. Artxiboko argazkia: EFE
UPNren Kontseilu Politikoak berretsi egin du alderdiko zuzendaritzak datorren maiatzeko udal eta autonomia hauteskundeetan bakarrik parte hartzeko astelehenean hartutako erabakia.
2019ko hauteskundeetarako UPNk, PPk eta Ciudadanosek osatu zuten Navarra Suma koalizioari amaiera ematen dion akordioak zuzendaritza erregionalistan baino babes txikiagoa izan du Kontseilu Politiko honetan, bertan aho batez babestu baitzen Javier Esparza presidenteak bultzatutako proposamena.
Esparzak estrategia politikoa aldatzeko erabili duen arrazoia da UPNk bakarrik boto gehiago lortuko dituela, Maria Chivite Nafarroako presidente eta PSNko idazkari nagusiak EH Bildurekin duen elkarrizketa eta akordio politikarekin bat ez datozen sozialistak erakartzea espero baitu.