Hauteskundeak
EAJk ez du Eusko Jaurlaritza 'hilzorian' ikusi nahi
Erredakzioa
Urkulluk gogora ekarri duenez, "agerikoa" da PPk babesa kendu ziola, beraz, Patxi Lopezek "ez du lehendakari izendatu zuten guztien babesa".
Iñigo Urkullu EAJren presidentea. Argazkia: Efe
Iñigo Urkullu EAJren presidenteak ez du Eusko Jaurlaritza "hilzorian" ikusi nahi, eta EAEk "gobernu sendoa izateko eskubidea" duela uste du, Confebasken adierazpenek sortutako polemikari erreferentzia eginez.
Buruzagi jeltzaleak ez du hauteskundeak aurreratzeko aukerari buruz hitz egin, lehendakaria baita Legebiltzarra desegiteko eta bozak deitzeko "gaitasuna duen bakarra", Onda Ceron egindako elkarrizketa batean azaldu duenez.
Urkulluk gogora ekarri duenez, "agerikoa" da PPk babesa kendu ziola, beraz, Patxi Lopezek "ez du lehendakari izendatu zuten guztien babesa".
Gainera, Jaurlaritzak hasieran zuena baino zortzi aldiz zor handiagoa duela eta defizita bikoiztu egin duela kritikatu du.
EAJren presidenteak azpimarratu du Jaurlaritza "legegintzaldiaren azken sasoian" dagoela. Hori horrela, ez du uste "merezi" duenik Jaurlaritza "hilzorian" egotea.