Bellochek GALen kostua "minimoa" izan zela esan du, "jende asko" zegoelako hura finantzateko prest

Soka luzea ekarri duten adierazpenak egin ditu Juan Alberto Bellochek El Periódico de Aragón egunkarian, bere memoriak biltzen dituen liburuaren aurkezpenaren harira. 

Elkarrizketa horretan, Felipe Gonzalezen garaian Espainiako Justizia eta Barne ministro zenak esan du berari ere dena iruditu zitzaiola bidezko ETAren kontra. Horren hitzetan, jendea ez zegoen GALen kontra, talde horren baldarkeriaren kontra baizik. "Arlote kuadrilla bat zen, Gobernuaren zerbitzu batzuen laguntza izango zuten agian, baina euren jarduteko modu baldarrak berak erakusten du Estatua ez zegoela atzean. Horrela izan balitz, hobeto egingo zen".

Galindok mailaz igotzeko "meritu nahikoa eta soberan" izan zituen, horren hitzetan, eta "torturak ez zuen ezertarako balio", "ETAk ordena zehatzak" ematen zizkielako militanteei "parte hartu zuten guztia esan zezaten, desmoralizazioa saihesteko". 

Halaber, adierazi duenez, "GAL taldearen kostua minimoa izan zen", "boluntario mordoa" zegoelako prest taldea finantzatzeko. 

Bellochek GALen inguruan egin dituen adierazpenek kritika eta erreakzio zaparrada ekarri dute.

Sare sozialetan laster erakutsi dute hitz horiekiko arbuioa hainbat politikarik eta biktimak. 

Estatu-biktimentzat egia, aitortza eta justizia eskatzen dituen Egiari Zor Fundazioak salatu du adierazpen horiek estatu-krimenen "inpunitateaz ziur den batek" baino ezin dituela egin:

Exministro de Interior y juez. Cuenta quien tiene información pero también quien tiene la certeza de la impunidad existente para los crímenes de Estado.
GAL: 27 Muertos, varios heridos, secuestrados y desaparecidos. La mayoría crímenes sin resolver. https://t.co/ZU3Hp7RYIH

— Egiari Zor Fundazioa (@EgiariZor) June 25, 2023

Fernando Buesa Blanco Fundazioak ere gogor kritikatu ditu hitz horiek, eta honakoa esan dio: "Bellock jauna, akatsa izan zen, eta izugarrikeria justifikaezina"

Es profundamente ofensivo y doloroso para las víctimas de los GAL y para la sociedad leer esta entrevista.

Es inaceptable e indigno legitimar la “guerra sucia” de los GAL en un país democrático.

Sr. Belloch, fue un error y un horror injustificable.
https://t.co/S8fdwAOkqE

— Fundación Fernando Buesa Blanco (@Fundacion_Buesa) June 25, 2023

ETAk aitarik gabe utzi zituen Maria Jauregi, Iñaki Garcia Arrizabalaga eta Josu Elespe ere hitz horien aurka agertu dira. Jauregik inpunitatea salatu du eta elkartasuna adierazi die estatu-terrorismoaren biktimei, Garcia Arrizabalagak ere elkartasuna adierazi die GALen biktimei eta adierazpenok terrorismoaren biktima guztiei kalte egiten diela azpimarrtau du eta Elespek "gizagabetasun higuingarria", idatzi du Twitterreko bere kontuan. 

Alderdi sozialistako hainbat kidek erakutsi dute hitz horiekiko gaitzespena. 

Eneko Andueza PSE-EEko idazkari nagusiak, hitz horiek "nazka" eragiten diotela adierazi du eta bat egin du biktimekin.

Nunca hubo justificación para ejercer ningún tipo de violencia. Mi rechazo más absoluto y mi solidaridad con las víctimas ante unas declaraciones que me provocan un asco tremendo. Absolutamente impresentable Benlloch.https://t.co/1c8uUeLFkt

— Eneko Andueza (@enekoandueza) June 25, 2023

Denis Itxaso Espainiako Gobernuak Euskadin duen ordezkariak esan du inongo indarkeriak ez direla balioetsi behar, eta gutxiago Estatuak eragindakoa:

Ninguna expresión de violencia debe ser infravalorada o banalizada, pero menos la ejercida por aparatos que subvirtieron el Estado de Derecho y fueron condenados por ello.

Las víctimas de los GAL merecen todo el respeto y vaya desde aquí también nuestro recuerdo para todas…

— Denis Itxaso (@DenisItxaso) June 25, 2023

Ildo beretik hitz egin dute Rafaela Romero edo Jose Igancio Asensio PSE-EEko kideek ere.

Pilar Garrido Podemos Euskadiko koordinatzailearen aburuz, "lotsagarriak" dira adierazpen horiek, eta egia, justizia, erreparazioa eta ez errepikatzeko bermea eskatu ditu.