Espetxean bisita egin eta gero
ETAko preso baten hiru senide larri, zirkulazio istripu baten ondorioz
Erredakzioa
Mikel Egibar presoaren emaztea eta seme-alabak zihoazen ibilgailuak talka egin du kamioi batekin. Aragoiko Zuera presondegian bisita egin eta bueltan zetozten. Hirurak ingresatu dituzte.
Mikel Egibar ETAko presoaren senitartekoek trafiko istripua izan dute Aragoiko Zuera presondegitik bisita egin ondoren bueltan zetoztenean. Presoen eskubideen aldeko plataforma Herriraren arabera, Mikel Egibarren emaztea eta seme-alaben ibilgailuak talka egin du bart gauean kamioi batekin.
Kaltetuenak emaztea eta Egibarren semea izan dira eta suhiltzaileek atera dituzte ibilgailutik. Alaba berriz, haur ospitalera eraman dute. Hirurak geratu dira Aragoiko bi ospitaletan ingresatuta.