Zerrenda
Hauek dira indarrean jarraitu edo aktibatzen diren neurriak, dekretuak bozkatu ondoren
EITB Media
Diputatuen Kongresuko Osoko Bilkurak atzera bota du langabezia-sorospenaren erreforma jasotzen zuen lege-dekretua. Espainiako Gobernuak, ostera, Justiziari eta Funtzio Publikoari buruzko neurrien erreforma (omnibus) eta krisiaren aurkako neurrien dekretua salbatu ahal izan ditu.
Irudia: EITB
Diputatuen Kongresuak Espainiako Gobernuak onartutako hiru dekretuetako bi baliozkotu ondoren, honako neurri hauek indargabetu, indarrean jarraitu edo aktibatuko dira:
Indarrean jarraitzen dute edo aktibatuko dira:
- Aldiriko trenak eta distantzia ertaineko trenak, doakoak
- Hiri barruko eta hiriarteko garraioa % 30 merkatzea
- Argiaren eta gasaren BEZa % 10era jaistea (azken kasu horretan, lehen hiruhilekoan bakarrik)
- Zero BEZa oinarrizko elikagaientzat
- Kotizaziopeko pentsioak % 3,8 igotzea
- 65 urtetik gorakoentzako banketxeetako leihatilatik eskudirua jasotzeagatiko komisioak desagertzea
- Zaurgarrienen etxegabetzeen debekua luzatzea
- Aberats handien gaineko zerga eta bankuen eta energetikoen gaineko zergak urtebetez luzatzea
Bertan behera geratuko dira:
- Langabezia-sorospenaren erreforma: Orain arte salbuetsita egon diren kolektiboetara zabaltzea, hala nola familia-kargarik ez duten 45 urtetik beherakoetara, eta 480 eurotik 570 eurora igotzea lehen sei hilabeteetan, eta 540 eurora hurrengo seietan, lehen 180 egunetan lanarekin bateragarriak direnak.
- Langile guztiei aukera ematea edoskitzeagatiko baimena metatuta hartzeko.
- Erkidegoetako lan-hitzarmenak lehenestea Estatukoen gainetik.