POLEMIKA
Alberto Garzonek uko egin dio Jose Blanco eta Alfonso Alonsoren Acento aholkularitza enpresan lan egiteari
AGENTZIAK | EITB MEDIA
Espainiako Kontsumi ministro izandakoak azaldu duenez, duela gutxira arte alderdikide izan dituenei eta militanteei kalte ez egiteko hartu du erabakia.
Alberto Garzon Espainiako Kontsumo ministro ohia, artxiboko irudi batean. Argazkia: EFE
Alberto Garzon Espainiako ministro ohi eta IUko buruzagi ohiak iragarri du azkenean uko egin diola Jose Blanco (PSOE) eta Alfonso Alonso (PP) ministro ohiak buru dituen Acento aholkularitza enpresan lan egiteari, berak duela gutxira arte parte hartu duen espazio politikoan ez dutelako erabakia ulertu.
X sare sozialean argitaratu duen gutunean azaldu duenez, "hainbeste denbora eta energia eskaini" dien erakunde politikoei kalte ez egiteko erabaki du atzera egitea.
Garzonen arabera, duela gutxi alderdikide izan dituenei eta militanteei kalte egin diezaiekela iritzita, azkenean ez du Acento aholkularitza taldearentzat lan egingo.
Espainiako Gobernuaren txosten baten zain zegoen lanean hasteko, interes gatazka bat egon zitekeen ala ez ebatzi behar baitzuen.
Garzonek onartu du albisteak "zalaparta" handia eragin duela "ezkerreko ekosisteman", hots, Izquierda Unidan, Unidas Podemosen eta Sumarren.
Bestalde, Garzonek uste du ezkerrak "hausnartu" egin behar duela, bere kasuan bezala, bizitza proiektu kolektiboei eskaini dieten pertsonen inguruan. Aldi berean, ezkerreko joera "toxiko" eta "inkisitorialak" atzean utzi behar direla azpimarratu du.
Tras la incomprensión suscitada en el espacio político, y con la intención expresa de no dañar a las organizaciones a las que tanto tiempo y energía he dedicado de mi vida, anuncio mi renuncia a incorporarme como tenía previsto.
— Alberto Garzón¿ (@agarzon) February 14, 2024
Esta es mi comunicación al respecto: pic.twitter.com/OLZutzBQkG