Apirilaren 21eko hauteskundeak
Gaur amaituko da posta bidezko botoa emateko epea
EiTB Media
Atzerrian bizi direnek ere gaur dute botoa kontsuletxeetan emateko azken eguna.
Correosen bulego bat, artxiboko irudi batean. Argazkia: EFE
Gaur, ostegunarekin, amaituko da posta bidezko botoa emateko aukera apirilaren 21ean egingo diren Eusko Legebiltzarreko hauteskundeetarako.
EAEn bizi diren eta posta bidezko botoa eskatu duten eta Estatuan edo atzerrian aldi batez bizi diren, baina Egoiliarren Hautesle Erroldan (EHE) erregistratuta daudenek ere gaur dute boza Correosen bulegoetara eramateko, balioko identifikazio ofizial bat aurkeztuta.
AEHE botoa
Bestalde, modu iraunkorrean atzerrian bizi diren eta Atzerrian bizi diren Egoiliarren Hautesle Erroldan (AEHE) izena emanda dauden pertsonek ere gaur dute kontsuletxeetan jarrita dauden hautetsontzietan botoa emateko azken eguna.