Hauteskundeak Katalunian
Katalunian "elkarrizketarako" eta "ezberdinen artean akordioak lortzeko" garaia dela uste du Ortuzarrek
Agentziak | EiTB Media
EAJren EBBko presidenteak Salvador Illa eta Junts zoriondu ditu, hurrenez hurren, hauteskundeak irabazteagatik eta lehen indar subiranista izateagatik.
Andoni Ortuzar, artxiboko irudi batean. EiTB Mediaren artxiboko bideo batetik ateratako irudia
Atzo Kataluniako Parlamenturako hauteskundeak egin ondotik, han eta hemendik alderdi politikoen erreakzioak iristen ari dira. Andoni Ortuzar EAJren EBBko presidentearen arabera, "politikaren, elkarrizketaren eta ezberdinen arteko akordioen garaia da, Kataluniako nazioarentzat onena bilatuz".
Sare sozialetan zabaldutako mezuan, buruzagi jeltzaleak hauteskunde emaitzen osteko balorazioa egin du. PSC izan da lehen indarra, 42 eserlekurekin, Juntsen (35 eserleku) eta ERCren aurretik (20 eserleku).
Ortuzarren esanetan, hauteskunde emaitzek Kataluniako politikaren "konplexutasuna" eta "aniztasuna" islatzen dute. Azaldu duenez, zenbakiak estuak dira eta alderdiek tarte txikia izango dute gobernua osatzeko.
Hori dela eta, "politikaren", "elkarrizketaren" eta "ezberdinen arteko akordioen" garaia dela aldarrikatu du.
Amaitzeko, Ortuzarrek PSCren garaipena aitortu eta zoriondu egin du. Halaber, Junts ere zoriondu du lehen indar subiranista izateagatik.
Los resultados de las Elecciones Catalanas reflejan la complejidad y pluralidad de la política en Calatunya. Números ajustados y márgenes estrechos de actuación escuchadas las primeras manifestaciones de cara a la conformación de un próximo Govern para la Generalitat.
— Andoni Ortuzar (@andoniortuzar) May 12, 2024