TITULAR NAGUSIAK
Albiste izango dira: sailburuen kargu-kartze ekitaldia, Julian Assange aske eta funtzionarioen soldata igoera
EITB MEDIA
Gaurkoan albiste izango direnen laburpena, bi hitzetan.
Sailburu berriak gaur jabetuko dira karguaz.
Honako gai hauek hartuko dituzte gaur, 2024ko ekainaren 25ean, hedabideetako lerroburu nagusiak:
- Sailburu berrien kargu-hartze ekitaldia: Eusko Jaurlaritza berriko 15 sailburuak karguaz jabetuko dira gaur, 10:00etan, Ajuria Enean. Ekitaldi horrekin abiatuko da Imanol Pradales buru duen Exekutiboa.
- Julian Assange, libre: Julian Assange Wikileakseko sortzailea aske utzi du Londreseko Auzitegi Gorenak, Estatu Batuetako Gobernuarekin akordio batera iritsi ostean. Assangek bost urte eman ditu Londreseko espetxe batean.
- Funtzionarioen soldata igoera: Espainiako Gobernuko Ministroen Kontseiluak langile publikoentzako % 2ko soldata igoera onartuko du. 2024eko urtarrilaren 1etik atzeraeraginezko ondorioa izango du neurriak.