Itun fiskalari ezetza emanda
Mariano Rajoy Artur Masekin eztabaidatzeko prest azaldu da
Erredakzioa
Gobernuko presidenteak esan duenez, "posiblea da komuneko ikuspuntuak lortzea, bizitzan dena ez baita zuria edo beltza, bestelako koloreak ere daudelako".
Mariano Rajoy, Ourensen izandako ekitaldi batean. Argazkia: EFE
Mariano Rajoy Gobernuko presidentea Artur Mas Generalitateko presidentearekin eztabidatzeko prest agertu da larunbat honetan. Gauzak horrela, Kataluniako Gobernuaren eskaeren aurrean "hitz egiteko eta entzuteko" prest azaldu da Rajoy.
"Komuneko ikuspuntuak aurkitzea posiblea dela uste dut, behintzat, nik horren alde egingo dut, azkenean eztabaida posiblea ez bada ez da nigatik izango", adierazi du Rajoyk.
Gobernuko presidentea PPk Ourensen egindako aurrekanpainako ekitaldi batean egon da. "Bizitzan dena ez baita zuria edo beltza, bestelako koloreak ere daudelako", esan du. "Norbait nirekin hitz egin nahi badu, hemen nago", azpimarratu du, "hala ere, arazoak ez dira konpontzen arazo berriak sortzen".
Bestalde, Kataluniako Gobernua eta Gobernuko presidentea "azken hilabeteetako murrizketak aurrera eramateko ados jarri izana" salatu du PSOEk.