EITB FOCUS
Chiviteren Gobernuak 5,4ko nota jaso du, legealdi hasi eta 15 hilabetera
IKER GOMEZ | EITB MEDIA
Maria Chivite Nafarroako Gobernuko presidenteak ezagutza datu handia lortu du. Galdetutakoen % 96,1ek ezagutzen du Nafarroako presidentea. Chivitek lortutako batez besteko nota 5,6koa da.
EITB FOCUS
Nafarroako bizilagunek 5,4ko eman diote Maria Chiviteren Gobernuari, legealdiak 15 hilabete bete dituen honetan. EITB Focus inkestaren arabera, hamar herritarretik seik 5etik gorako nota jarri diote Nafarroako Gobernuak egindako lanari.
PSN, Geroa Bai eta EH Bilduren boto-emaileek jarri dituzte notarik altuenak, 6,95, 5,77 eta 5,62, hurrenez hurren. UPNkoek, ordea, 3,25eko puntuazioa eman diote Foru Gobernuaren kudeaketari.
Zentzu horretan, PSN-Geroa Bai-Zurekin koalizioarekiko asebetetze mailari buruz galdetuta, herritarrek 10etik 5,3ko balorazioa eman dute. Gehienek, % 86,5ek, koalizioak legegintzaldi osoan iraungo duela diote.
Azkenik, Maria Chivite Nafarroako Gobernuko presidenteak ezagutza datu handia lortu du. Galdetutakoen % 96,1ek ezagutzen du Nafarroako presidentea. Chivitek lortutako batez besteko nota 5,6koa da.
Metodologia
Bizitokia EAEn eta Nafarroan duten 1.600 pertsona elkarrizketatu dituzte EITB Focus inkesta egiteko (400 lurralde historiko bakoitzean eta 400 foru erkidegoan).
Galdeketak irailaren 19tik 27ra bitartean egin zituzten, telefonoz.
Datu, mikrodatu eta adierazle estatistiko guztiak Gardentasun atariko Open Data atalean izango dira kontsultagai.