Datorren legealdian
Kataluniako Parlamentuak kontsulta independentista deitzea onartu du
Erredakzioa
Proposamenak Ganberan emandako 131 botoetatik 84 izan ditu alde, eta katalanek “aske eta era demokratikoan euren taldeko etorkizuna” erabakitzeko gauzatuko da.
Kataluniako Parlamentuak hasiera batean datorren legealdian katalanek "aske eta era demokratikoan euren taldeko etorkizuna" erabaki ahal izateko kontsultaren proposamena onartu du ostegun honetan. Ganberan emandako 131 botoetatik 84 alde izan ditu.
Aldeko botoa eman duten alderdiak honako hauek izan dira: CiU (Generalitateko burua), ERC, ICV-EUiA, Solidaritat, Democracia Catalana eta Ernest Maragall diputatu sozialista. Kontra, aldiz, Kataluniako PPk eta Ciutadansek. PSCko gainerako 25 diputatuak abstenitu egin dira.
Kataluniako hauteskundeak azaroaren 25era aurreratzeko iragarpenaren ostean onartutako ebazpenak honako hau dio: "Kataluniako Parlamentuak herritarrek aske eta era demokratikoan euren taldeko etorkizuna erabakitzeko beharra dutela egiaztatu du, eta Gobernuari datorren legealdian kontsulta bat egitea eskatu dio".
Tresna horien bi eredu aipatu ditu, lehenengo kasuan Konstituzionalak Kataluniako kontsultak bertan behera uzteko legea kendu zuen, baina Estatuak hartutako erabakien menpe dagoela gogoratu du.